 |
| ഊഞ്ഞാല്‍ |
അസ്തമയ സൂര്യന്റെ കിരണങ്ങള്‍ കോട്ടയെ പൊന്നണിയിക്കുന്നു. ഇരുളുന്നതിന്നു മുന്പ് പരമാവധി ചിത്രങ്ങള്‍ എടുക്കാനുള്ള ശ്രമത്തില്‍ ആയിരുന്നു ഞാന്‍. ഒരു ദിനം മുഴുവന്‍ ഉണ്ടെങ്കിലും കോട്ട മുഴുവന്‍ കണ്ടുതീര്‍ക്കുക എന്നത് അസാധ്യം ആണ്. ബാകിയുള്ള കാഴ്ച്ചകള്‍ നാളെയാകാം എന്ന് കരുതി റൂമിലേക്ക് മടങ്ങി.
 |
 |
| അസ്തമയ സൂര്യനില്‍ കോട്ട |
 |
| കോട്ടയ്ക്കു മുകളില്‍ നിന്നുള്ള കാഴ്ച |
 |
| ഹിടിംബെശ്വര ക്ഷേത്രം |
 |
| ചിത്രദുര്‍ഗ നഗരം |
രാവിലെ 6 മണിക്ക് തന്നെ വീണ്ടും കോട്ടയിലേക്ക് എത്തി. ഇന്നലെ കാണാത്ത ഭാഗങ്ങള്‍ ഇന്ന് കാണണം. സൂര്യന്‍ ഉദിച്ചുവരുന്ന കാഴ്ച അതിമനോഹരം ആണ്. കുറേപേര്‍ പ്രഭാത സവാരി നടത്തുന്നു. ഉദയ സൂര്യനെ നോക്കി ചിലര്‍ സൂര്യനമസ്കാരം നടത്തുന്നു.ഗൈഡ്ന്‍റെ ആവശ്യം ഒന്നും ഇല്ല.എല്ലായിടത്തും സൈന്‍ബോര്‍ഡുകള്‍ ഉണ്ട്.കോട്ടയ്ക്കു മുകളില്‍ പെയ്യുന്ന മഴവെള്ളം മുഴുവന്‍ ശേഖരിച്ചു വെക്കുവാന്‍ നിര്‍മിച്ച സഹോദരി ടാങ്കുകള്‍ അത്ഭുത നിര്‍മിതി തന്നെയാണ്.ഇതില്‍ നിന്ന് ഭൂഗര്‍ഭ കുഴലുകള്‍ വഴി എല്ലായിടത്തെക്കും വെള്ളം എത്തിച്ചിരുന്നു. ട്രെഷറി കെട്ടിടം നിര്‍മിച്ചിരിക്കുന്നത് മണ്ണ്കൊണ്ടാണ്. വെള്ളംനനഞ്ഞു പ്രശ്നം ഉണ്ടാകാതിരിക്കാന്‍ മഴവെള്ളം ചുമരില്‍ പതിക്കതിരിക്കാനുള്ള സംവിധാനവും ഉണ്ടായിരുന്നുപോലും. ഇത്രയൊക്കെ സംവിധാനം ഉണ്ടായിരുന്ന കോട്ടയില്‍ കൊട്ടാരം എവിടെ ആയിരുന്നു എന്നത് ഞങ്ങളെ അത്ഭുതപ്പെടുത്തി. ഏറെ അന്വേഷിച്ചു നടന്നിട്ടും അത് കണ്ടില്ല.കോട്ടയെ കുറിച്ച് എഴുതിയവരൊന്നും ഇതിനെകുറിച് ഒന്നും പറഞ്ഞതായി കണ്ടില്ല.ഒടുവില്‍ അറിയാവുന്ന കന്നടയില്‍ ഒരാളോട് ചോദിച്ചു. അയാള്‍ കോട്ടയുടെ ഏറ്റവും മുകളിലേക്ക് ചൂണ്ടിക്കാണിച്ചു. പക്ഷെ അങ്ങോട്ട് പോകാന്‍ പടികള്‍ ഇല്ല.പുല്ലുകള്‍ക്കിടയിലൂടെ കൊട്ടാരം തേടി ഞങ്ങള്‍ നടന്നു. ഒടുവില്‍ മണ്ണ്കൊണ്ട് നിര്‍മിച്ച ഒരു തകര്‍ന്ന കെട്ടിടം കണ്ടു. അതായിരുന്നു കൊട്ടാരം.ഇത്രയും വലിയ കോട്ടയില്‍ എന്തുകൊണ്ട് മണ്ണുകൊണ്ട് കൊട്ടാരം നിര്‍മിച്ചു എന്നത് രസകരം ആണ്.പരിസ്ഥിതി സൌഹൃധമായതിനാലാണ് അങ്ങനെ നിര്‍മ്മിച്ചത് എന്നാണ് അറിയാന്‍ കഴിഞ്ഞത്. കല്ലുകളുടെ ഈ കോട്ടയില്‍ ഏറ്റവും പ്രധാനപ്പെട്ട രണ്ടു കെട്ടിടങ്ങള്‍ , കൊട്ടാരവും ട്രഷറിയും നിര്‍മ്മിച്ചത് മണ്ണ്കൊണ്ടാണ്. അതിനു സമീപം ധാന്യപ്പുരകളും,ആയുധപ്പുരകളും കണ്ടു. കോട്ടയിലെ ഏറ്റവും സുരക്ഷിത സ്ഥലമായിരുന്നിരിക്കണം അത്. പിന്‍ഭാഗത്ത് ഉയര്‍ന്ന കുന്നുകളും,മുന്‍ഭാഗത് വിശാലമായ കോട്ടയും. ഇത്ര സുരക്ഷിതമായ ഇടമായിരുന്നിട്ടും രാജാവിനെ തേടി ഹൈദര്‍ എത്തി….അവിടെ നിന്നിറങ്ങി നേരെ “ഒനക്കെ ഒബ്ബാവ കിണ്ടി ” കണ്ടു.പാറയിലെ വിടവിലൂടെ നുഴഞ്ഞു കയറിയ പട്ടാളക്കാരെ ഒലക്ക കൊണ്ട് അടിച്ചുകൊന്ന ഒബ്ബാവ എന്ന സ്ത്രീയുടെ പേരിലാണ് ഇത് അറിയപ്പെടുന്നത്. അതും കഴിഞ്ഞ് ഞങ്ങള്‍ കോട്ടയോട് വിടചൊല്ലി. വെയില്‍ മൂത്തുവരുന്നു.രാവിലെ 6 മണിക്ക് തന്നെ കയറാന്‍ തോന്നിയത് നന്നായി.
 |
| സൂര്യോദയം @ കോട്ട |
 |
| ജയില്‍ |
 |
| ഗണപതി ക്ഷേത്രം |
 |
| ഗരുഡ സ്തംഭം |
 |
| എകാന്തെശ്വരി ക്ഷേത്രം |
 |
| വാട്ടര്‍ ടാങ്ക് |
 |
| ട്രഷറി ബില്‍ഡിംഗ്‌ |
 |
| Sister Tanks |
 |
| ധാന്യപ്പുര |
 |
| ഇതായിരുന്നു ഞങ്ങള്‍ തേടി നടന്ന ആ കൊട്ടാരം!!!! |
 |
| ഒനക്കെ ഒബ്ബാവ കിണ്ടി |
 |
| Ankhi Math |
 |
| Chandravallykere |
മുരുഗരാജേന്ദ്ര മഠം (mmurugarajendra mutt) : ലിഗായത് വിഭാഗക്കാരുടെ മഠം ആണ്. ഇപ്പോഴത്തെ സ്വാമിയേ കാണാന്‍ കുറച്ചുനേരം കാത്തിരുന്നു. പക്ഷെ അദ്ദേഹം വളരെ തിരക്കില്‍ ആയതിനാല്‍ കാണാന്‍ പറ്റിയില്ല.
